ඇනලොග් සහ ඩිජිටල් දත්ත පද්ධති හඳුනා ගනිමු.. (තාර්කික ද්වාර) | Let's Introduce Analogue and Digital Systems (Logic Gates)

ඉලෙක්ට්‍රොනික් විෂයේදී ඔබට ඉගෙන ගන්නට ලැබෙන ඇනලොග් සහ ඩිජිටල් දත්ත සංසරණ ක්‍රමවේදය පරිගණක තුළද වඩා සංකීර්ණ ආකාරයෙන් පවතී. ඇනලොග් සහ ඩිජිටල් සර්කිට් එකක් තුළ  සිදුවන ක්‍රියාවලියට මෙහිදී අවධානය යොමු කරමු.

ඇනලොග් සංඥා
මේවා ක්‍රියාත්මක වන්නේ බල සැපයුමේ උපරිම හා අවම අගය මතයි. මේ වෙනස්වීම භාවිතා කරන උපාංගය
අනුව එය මන්දගාමීව හෝ වේගයෙන් සිදුවීමට පුළුවන. එය ක්‍රියා කරන අයුරු බලන්න.

ඩිජිටල් සංඥා
මේ සංඥා වර්ගයේදී අගයන් දෙකක් පමණක් භාවිතා වීම, එනම් 1 හෝ 0 අතර දෝලනය වීම මඟින් සංඥා ගෙන යාම සිදු කරයි. බල සැපයුමේ උපරිමය හා අවමය මත මේ අගයන් දෙක වෙනස්වීම සිදුවේ. දැන් ඩිජිටල් සංඥාවක් වැඩ කරන ආකාරය බලන්න.

Permenent Delete Your Hard Disk Data | සදාකලිකවම මකා දමන හැටි..

පරිගණකයේ යම් යම් දත්ත මකා දැමූ විට ඒවා Recycle Bin එකට යන බව ඔබ දන්නවනේ.Recycle Bin තුළ ඇති දත්ත ඩිලීට් කරොත් හෝ අදාල ෆයිල් එක කෙලින්ම Shift + Delete මගින් ඉවත් කරොත් දත්ත සම්පූර්ණයෙන්ම ඉවත් වේ යැයි ඔබ සිතනවද? නැහැ. එය අලුත් දත්තයක් ඒ මත තැන්පත් වනතුරු හාඩ් ඩිස්ක් එක මත සැඟවී පවතී. මේවා Data Recovery Software වලින් නැවත ලබාගත හැකිවන්නේ එබැවිනි. ඇත්තටම මෙහිදී වෙන්නේ, වින්ඩෝස් මගින් සකස් කල Index Table එකෙන් ඔබගේ ෆයිල් එක ඉවත් කිරීමයි. නමුත් ඇත්තටම එය හාඩ් එකේ පවතී. දැන් තේරුණානේ?. දැන් අපි බලමු දත්ත සම්පූර්ණයෙන්ම මකන්නේ කොහොමද කියලා..

අපිට ක්‍රම 3ක් තියෙනවා මේ වැඩේ කරගන්නට..

1 ක්‍රමය: DBAN මෘදුකාංගයෙන්..

DBAN යන වෙබ් අඩවියට ගොස් මෘදුකාංගය ලබාගන්න. දැන් ඔය අරගත්ත *.iso ඉමේජය CD එකකට බර්න් කරගන්න. ඒකෙන් මුලුමනින්ම මකා දමන්න ඕන හාඩ් ඩිස්ක් එක ඇති පරිගණකයෙන් බූට් කරන්න. දැන් ලැබෙන තිරයෙන් ඕන කරන පාටිෂන් එක තෝරා දෙන්න. විශේෂයෙන් කියන්න ඕන මේ වැඩේ කරද්දි ටිකක් පරිස්සමෙන්. මොකද වැරදි එකක් තෝරල දුන්නොත් ඒ දත්ත ආය අරගන්න බැරි වෙනවා. මෙහි දත්ත දැන් ඩිලීට් වෙනවා බලන්න පුලුවනි.

මෙමගින් ඔබගේ හාඩ් ඩිස්ක්, මෙමරි කාඩ්, ෆ්ලෑෂ් ඩ්‍රයිව් හෝ මෙමරි කාඩ්පත් වල දත්ත උනත් නැවත ලබාගත නොහැකි වන ලෙස මකා දමයි. මෙය ඕනෑම පැරණි පරිගණකයක් මත ධාවනය කල හැකි අතර පවතින දත්ත සම්පූර්ණයෙන්ම ඉවත් කිරීමට අපූරු සමත්කමක් දක්වයි. 

ගූගල් දෙවියන් අපට දුන් දායාද | Gifts from Google

අද මේ කියන්න යන්නේ මූලිකවම ගූගල් සමාගමේ ඩෙස්ක්ටොප්, මොබයිල්, ඔන්ලයින් නිෂ්පාදන ගැනයි. මෙහිදී ප්‍රධාන නිපැයුම් පමණයි ඉදිරිපත් කරන්නේ. සමහර නිෂ්පාදන ඒකාබද්ධ කල, බැහැර කරන ලද හා නම අලුත් කරන ලද නිෂ්පාදන වශයෙන් බෙදිය හැකිය. සමහර දේවල් ගැන ඔබගේ දැනුවත් භාවය ලබා දීම මෙය ඉදිරිපත් කිරීමේ තවත් අරමුණක්.

වෙබ් පාදක වැඩසටහන් (මේවා අනිවාර්යෙන්ම වෙබ් බ්‍රවුසරයක් මත පදනම් විය යුතුය.)

සෙවුම් උපාංග >>

• Google search - මෙය ප්‍රධානම ගූගල් නිෂ්පාදනයයි. මෙය සමාගමේ මුල්ම නිපැයුමයි. 1999 සැප්තැම්බර් 21 දින සිට බීටා තත්වයේ සංස්කරණයක් ඉදිරිපත් කරන ලදී. එතැන් පටන් මෙහි ජනප්‍රිය බව සහ ප්‍රසිද්ධිය ඒකාකාරිව වැඩිවුණා මිස අඩු වූයේ නැත. මසකට සෙවුම් බිලියන 100 ක පමණ ලොව පුරා සිදුවන අතර මිනිසුන් වැඩිපුරම භාවිත කල සෙවුම් යන්ත්‍රය බවට පත් විය. ඔවුන් උප ඩොමේන ඔස්සේ ලෝකයේ විවිධ කලාප වලට වෙන වෙනම සේවාවන් පවත්වාගෙන යයි. මේ වනවිට රටවල් 189 කට පමණ ඔවුන් තම සේවය සපයයි.  මේ නිපැයුම කරන්න භාවිතා කරල තියෙන්නෙ, Javascript, Python, C, C++ යන භාෂාවන්ය. මෙය නඩත්තුවට ආදායම ලැබෙන්නේ ඇඩ්වර්ඩ්ස් හරහාය. මේ නිෂ්පාදනය යටතේ තවත් විවිධ විශේෂාංග එක් කර තිබෙනවා.

• Hummingbird ~ විස්තරාත්මක ප්‍රශ්න විශ්ලේෂණ ක්‍රමයකි. මෙය ගූගල් සමාගම වැඩිදියුණු කල විශේෂ සෙවුම් ඇල්ගොරිතමයකි.  2013 සැප්තැම්බර් 27 වන ඔවුන්ගේ 15 වන උපන් දිනය දා මෙය එලි දැක්විනි. වඩා මිනිසුන්ගේ රුචි අරුචිකම් තේරුම් ගැනීමක් මෙම තාක්ෂණයට පවතී.

 FYI: http://searchengineland.com/google-hummingbird-172816

• PageRank ~ වෙබ් ලින්ක් විශ්ලේෂණ ඇල්ගොරිතමයකි. තමන්ගේ වෙබ් අඩවියේ තත්වය මැන ගැනීමට මේ නිසා වෙබ් අඩවි පාලනය කරන අයට හැකිවේ.
• Snapshots ~ අන්තර්ජාලයේ පවතින විවිධ ගොනු ඒකාකාරව ශ්‍රේණිගත කිරීමේ ක්‍රමවේදයකි.
• Search engine optimization ~ වෙබ් තදබදයේ ප්‍රමාණය සහ තත්වය වැඩිදියුණු කිරීමට උදව් කරන අංගයකි.
• Google Search functionality ~ බූලියන් තාර්කික මෙහෙයවීම්, වයිල්ඩ්කාර්ඩ් (*.torrent, facebook? ආදි වශයෙන් යොදාගත හැකිය) ආදී විශේෂ ක්‍රමවේද ඔස්සේ භාවිතා කරන්නාට පහසු පරිද්දෙන් තමාට අවශ්‍ය කරන දේ ලේසියෙන් සොයාගැනීමට උපකාරි කරන අංගයකි.
• Multiple languages ~ මේ වන විට සිංහල ඇතුලු විවිධ භාෂා ගණනාවක් ඔස්සේ තමන්ට ඕන කරන දේ පිලිබඳ විස්තර සොයා බැලීමට දැන් පුලුවන.

මෙගාබයිට්, ගිගාබයිට්, ටෙරාබයිට්... මොනවද මේ? What are these?

මේ වචන සාමාන්‍යයෙන් පාවිච්චි වෙන්නේ ඩිස්ක් එකක ඉඩ දැන ගනීමටයි. නැත්නම් දත්ත ගබඩා ඉඩ සහ පද්ධති මතකය දැන ගනීමටයි. නිදසුනක් වශයෙන්, වසර කීපයකට ඉහතින් අප දත්ත ඒකක හැඳින්වූයේ මෙගාබයිට් වලිනි. අද, වැඩිපුරම දත්ත ඒකක  වලට භාවිතා වන ඒකකය ගිගාබයිට්. නුදුරු අනාගතයේදී මේ තැන ටෙරාබයිට් වලට හිමිවේ. දැන් වුවද ඒ කරා ඇදී යමින් පවතී. ඒත් මොනවද මේ කියල තවමත් අවුල් සහගතවද ඉන්නේ?

ඔව්, මෙගාබයිට් ගණනය කිරීම උපාංග නිෂ්පාදකයන් කරන්නේ ‍තෝරාගත් ප්‍රමිතියකට අනුවය. මෙගාබයිට් එකක් යනු බයිට් දහසක් වශයෙනි. මේ සඳහා නිදසුනක් බලමු,

ඔබ මිලදී ගන්නවා 80 GB හාඩ් ඩිස්ක් එකක් එතකොට ඔබට තියෙන්න ඕන බයිට් 80,000,000,000 ක්. මෙන්න මෙතනදි තමා ඔබ අවුල් යන්නේ, නිෂ්පාදකයන්ගේ ප්‍රමිතිය කෙසේ වුවත් දත්ත ඉඩක් පරිගණක හඳුනා ගන්නේ එයට සුපුරුදු දෙකේ පාදයේ ඉලක්කම් වලිනි.ඒ අනුව වින්ඩෝස් පද්ධතියකදී 80GB හාඩ් එකක් 74GB දක්වා හෝ ඊට වඩා අඩු වශයෙන් පරිගණකය ඔබට පෙන්වා දේ (8, 16, 32.. ලෙස ගන්න ගණනය කරන්න). දැන් ඔබට තේරෙනවා නේද එයට හේතුව අර ප්‍රමිතිය හා ඇත්ත ඉඩ බෙදා ගැනීමේ පරතරය බව. ඒ අනුව 250 GB = 232 GB, 750GB = 698GB යනාදී ලෙස ගනී. නමුත් ලිනක්ස් පද්ධතියකදී නියමිත දත්ත ප්‍රමාණය එලෙසම දක්වයි.

තවත් තේරුනේ නැද්ද :/ මේකෙදි වෙන්නෙ අපි ගණනය කරන 1000 වෙනුවට 1024 ආදේශ කර ගණනය කිරීමයි. එවිට ඇත්තටම තියෙන ඉඩ අඩු වෙනවා නේද?

:Android Studio: ගැන දන්නවද?

Android App Develop කරන අයට සුබදායක ආරංචියක් මේ පාර Google I/O 2013 වලින් දැනගන්නට ලැබුණා.. ඒ තමා Android Studio. දැන් ලෝකයේ ජංගම දුරකතන වැඩසටහන් සංවර්ධකයන් අතර වැඩිදෙනා භාවිතා කරන්නේ Android තමා.. ඒ කියන්නෙ පරිශීලකයන් මිලියන 900 ක් Android Apps බිලියන 48 කට කිට්‍ටු වෙන්න මේ මොහොත වෙනකොටත් භාවිතා කරනවා.. නොයෙක් දේවල් ජංගම දුරකතන වලින් කරන්න පුලුවන් වෙලා තියෙන්නේ Android නිසා.. ඒ නිසා තමාගේ හෘද ස්පන්ධනය පවා මැන ගන්න පුලුවන් ඇප්ස් ඇවිල්ල තියෙනවා.. 


මොබයිල් මෘදුකාංග වලට අලුත්ම පාරක් කැපුවා වගේම ඇපල් අයි-ඕස් වලට තිබූ ජනප්‍රියත්වය බොහෝ දුරට අඩු වුනා.. මේකට හේතුව තමා Android SDK සමග නිදහසේ වැඩ කිරීමට හැකිවීම.. ඒ කොහොම වුණත් Android Developers ලගෙ යටි සිතේ කැකෑරෙමින් තිබූ මෙයට එක්කලා නම් හොඳයි සිතූ ගුනාංගයක් දැන් Android වලට තියෙනවා. ඒ වෙනම IDE (Editor) එකක්.. ඉස්සර ඒ කට්ටිය Eclipse + Android SDK වලින් ඇප්ස් හැදුවේ.. කොච්චර දුකක් වින්දද? UI එකක් හදාගන්න..දැන් ඒ සඳහා Android Studio එලිදක්වලා තියෙනවා.. ඕනැම දේකට ඔට්‍ටු Apps හදන්න දැන් ඔයාට වුනත් පුලුවන්. අර වගේ දගලන්න දෙයක් නෑ කෙලින්ම New Project එකක් එකක් අරගෙන ඇප් එකක් හදාගන්නයි තියෙන්නෙ.. කොච්චර ලේසිද? අලුත්ම Android version එකත් මේ සමග ඇති නිසා අමුතුවෙන් දා ගන්න දෙයක් නෑ..

අප ගන්නා ගැජට් එන්නේ කොහේ සිටද? 2 වන කොටස

මේ ඉතිරි කොටසයි. මුල් කොටස බැලුවේ නැතිනම් මෙතනින් යන්න..

සැම්සුන් හි සේවකයන්ගේ තත්වය සලකා බලන විට ඔව්න් ෆොක්ස්කෝන් සමාගමේ සේවකයන්ගේ පඩිය මෙන් පස් ගුණයක් ලබන බව වාර්තා වේ. මේ නිසා සැම්සුන් දුරකතන වල මිල ඉහල යාම නිරායාසයෙන් ම සිදු වේ. එබැවින් ඔවුන් දුරකතන සහ ටැබ්ලට් වල පිටත ආවරණය ආදිය ඉතා ලාබ ප්ලාස්ටික් වලින් නිපදවයි. ඇපල් සිය උපාංග සඳහා ඉතා මිල අධික ලෝහ ආවරණ යෙදීමට හැකියාව ලැබී ඇත්තේ ෆොක්ස්කෝන් සමාගම එම උපාංග වලින් ලබන පාඩුව සේවකයන් හරහා සමබර කරගන්නා නිසාය.

අප ගන්නා ගැජට් එන්නේ කොහේ සිටද? - 1 කොටස

ලාබයි - බාලයි කියන චීනයේ නිෂ්පාදිත උපාංග පිළිබඳ මිත්‍යාව

තාක්ෂණික උපාංගයක උණාත්මක තත්වය හා එහි ප්‍රමිතිය තීරණය කරන සාධක කීපයකි. ප්‍රමිතිය තීරණය කිරීමට අදාල උපාංගයේ නිමාව, ක්‍රියාකාරිත්වය හා භාවිතාවේ පහසුව ප්‍රධාන වශයෙන් සලකා බැලෙන අතර එහි මිල හා එහි නිෂ්පාදිත රට/ සමාගම පිළිබඳව සුලබව සලකා බලයි.

මුල් කාලින ජංගම දුරකතන මිලදී ගැනීමේදී යුරෝපා රටවල නිපදවන ලද දුරකතන සඳහා ඉහල ඉල්ලුමක් තිබුණු අතර එම නිෂ්පාදකයා විසින් චීනයේ වැනි ආසියානු රටක කර්මාන්ත ශාලාවක නිපදවන ලද ඒ දුරකතන මාදිලියම මිලට ගැනීමට බොහෝ අය මැලිකමක් දැක්වූහ. බොහෝ දෙනාගේ යටි සිතේ තැම්පත් වී ඇති "Made In China" භීතිකාව මෙයට හේතු වූ අතට වසර කීපයකට පෙර අඩු මිලට වෙළඳපොලට නිකුත් වූ අනුකාරක Chinese Phones හා වෙනත් තාක්ෂණික උපාංග නිසා මෙම බිය තව තවත් වර්ධනය වූ බව කිව යුතුය.

සැබැවින්ම වර්තමාන තාක්ෂණික උපාංග නිෂ්පාදකයන්ගෙන්, තමාගේ මෙවලම් තමාගේම කර්මාන්තශාලා වල නිෂ්පාදනය කරන්නේ බොහොම සුළු පිරිසකි. 
බොහෝ සමාගම් තම තාක්ෂණික උපාංග නිෂ්පාදනය කිරීම තායිවාන හෝ චීන සමාගම් වලට කොන්ත්‍රාත් පදනම මත බාරදෙනු ලබන අතර මෙම සමාගම් වල කර්මාන්තශාලා බහුල වශයෙන් ඇත්තේ චීනයේහිය. එසේ කරනු ලබන සමාගම් මොනවාද යන්න කෙසේ වෙතත් එසේ කරන්නේ ඇයිද යන්න සොයා බැලීම වැදගත් වේ.

අමාරු ගණිත ක්‍රම දැන් වර්ඩ් වලිනුත් පෙන්නන්න පුලුවන්..

 මෙන්න මං අද ඔයාලට කියන්න යන්නේ හදිසියේ වැඩ කරගෙන යද්දි ඕනැ කරන යෙදවුමක්. අපි වර්ඩ් වලින් ටයිප් කරගෙන යද්දි සමහර වෙලාවට නොයෙකුත් සංකීර්ණ ගණිත සූත්‍ර ඇතුලත් කරන්න සිද්ද වෙනව. ඉතින් කොහොමද ඒක කරන්නේ ඒකට වෙනම සොෆ්ට්වෙයා එකක් යොදාගන්නවද? නැත. දැන් එහෙම එකක් නැතුව උනත් මේ වැඩේ අපිට ඕනෙ ලෙස කරගන්න පුලුවන්. දැන් මම කියන්නම් මොකද්ද ඒ කියලා. සමහර අය දන්නව ඇති. නොදන්නා අයගේ දැනගැනීම පිණිස මං මේක කියන්නම්කෝ. 

මේකෙ නම MathType.

නිකම්ම මේ ටූල් එක පරිගණකයේ තියෙනවා. ඒකට 

Start-> Search: Math Type Input මේ විදියට ගිහාම, තියෙන්න පුලුවන්. ඒ කොහොම කරත් වින්ඩෝ එකක් එනවා.. ඊට කලින් වර්ඩ් එකේ ඒ සූත්‍රය එන්න ඕන කොටස මත ක්ලික් කර මෙහි පහත විදියට ඇඳ ගන්න ඕන.. එතකොට පේන්නෙ මේ විදිහටයි. ඔයාලට මේකෙ මවුසය ආධාරයෙන් ලියන්න පුලුවන්. මේක බලන්න.

(මොකක් හරි ලියපු ගමන විදිහට එනවා)

වැදගත් Chrome Extensions 10

ක්‍රෝම් කියන්නෙ අද ගොඩක් දෙනෙක් භාවිතා කරන වෙබ් බ්‍රව්සරයක්. වේගයෙන් ජනප්‍රිය වෙන හින්දා එහි මෘදුකාංග නිපදවන අය වැදගත් ටූල්ස් ගණනාවක් නොමිලේ භාවිතා කරන්න දීලා තියෙනවා. අද මං ගෙනාවා ඔයාලට වැදගත් වෙයි කියල හිතන එක්ස්ටෙන්ෂන් 10ක්. මේ එක එකක් කරන වැඩ එකිනෙකට වෙනස්. තමන්ගේ පෞද්ගලික තොරතුරු වලට හානියක් වෙන්නෙත් නෑ. මේ ටික ගැන දැනගන්න එක ගොඩක් වැදගත් වේවි. ඔන්න එහෙනම් විස්තරේ පටන් ගත්තා.. ඔයාට ඕන කරන ටූල් එක එහි නම් ක්ලික් කර ලබාගන්න. Add to Chrome.. ‍තෝරාන්න.

1.  Speak-it!

මං දන්නව ඔයාල කම්මැලියි කියවන්න කියලා. දැන් ඔයලාට ඕන වුනොත් ක්ලාස් එකේ වැඩකට ඩොකියුමන්ට් එකක් හදාගන්න වගේ, ඉතින් නෙට් එකේ විස්තර හොයනවනේ. අන්න එතකොට ලොකු විස්තරයක් තියෙන පි‍ටුවක් හම්බෙනවා, ඒත් ඒකෙ විස්තරේ වැදගත් නමුත් ඔයාට කියවන්න කම්මැලියි නම්, ඒ කියන එක අහන් ඉන්න තාක්ෂණයක් දැන් තියෙනවා, ඒක Text to Speech  කියල කියනවා.

අපි ‍තෝරල දෙන වචනය ටූල් එකෙන් කියවනවා. මේකෙ විශේෂත්වය අන් ටූල් එක්ක සසඳා බලද්දී හඬ පැහැදිලි වීම හා කියන කටහඬ වේගවත් නොවීම. ඉන්ටර්නෙට් නැති විට ඔබ සේව් කරගත් වෙබ් පි‍ටුවක ඉංග්‍රීසි වචන (පමණක්) කියවන්නට මෙයට පුලුවන්. මේක ක්‍රියාත්මක වෙන්න ඔබ අවශ්‍ය  වචන පේලිය සිලෙක්ට් කර රයිට් ක්ලික් කරල, "Read the selected text" යන්න ‍තෝරාගන්න. ඇහුවා ඇතිනම් ඒ වගේම රයිට් ක්ලික් කරල "Stop reading" ‍තෝරන්න.

2.  AdBlock Plus 

මෙන්න තව වැදගත් එකක්. මේක  කරදකාරි ඇඩ් වලින් බේරි ඉන්ටනෙට් බ්‍රව්ස් කිරීමට උදව් කරනවා. මේකෙන් වෙන්නෙ අදාල වෙබ් අඩවියේ ඇති ෆ්ලෑෂ් ඇඩ් ආදිය බ්ලොක් කිරීමයි. මෙක ඔබ නිතර යන එන යූ-ටියුබ්, ෆේස්බුක් වගේ අඩවි වල තියෙනව දැකල ඇති. ඊට වඩා කරදරකාරි ලෙස ටෝරන්ට් අඩවි වල නව ටැබ් ඕපන් වෙවි ඇඩ් පෙන්නන ගන්නවා. ඉතින් මේක ලොකු කරදරක් නේද? ඇඩ් නැති කරගන්න දැනට තියෙන හොඳම ටූල් එක මේකයි. ක්‍රෝම් විතරක් නෙවේ ෆයර්ෆොක්ස් භාවිතා කරන කෙනෙකුට වුනත් මේක ලබාගන්න පුලුවන්. ගෙදර කෙනෙක් එක්ක යූ-ටියුබ් වීඩියෝ එකක් බල බලා ඉන්නකොට එක පාරට අසභ්‍ය ඇඩ් එකක් ආවොත් ඔයාට කර කියාගන්න දෙයක් නැති වෙයි නේද? අන්න ඒ අපහසුව මඟහරවා ගන්න තමා මේ ටූල් එක තියෙන්නේ,

Firefox OS ඔබත් අත්හදා බලන්න..

මොසිල්ලා සමාගම විසින් ජංගම උපාංග සඳහා නිකුත් කල නවතම මෙහෙයුම් පද්ධතිය හැඳින්වෙන්නේ ෆයර්ෆොක්ස් ඕඑස් නමින්. ආරම්භයක් වශයෙන් එම සමාගම කෙයන් හා පීක් නම් ෆයර්ෆොක්ස් ඕඑස් අන්තර්ගත ස්මාර්ට් දුරකතන දෙකක්, ජංගම උපාංග සඳහා Apps Develop කරන අයට බෙදා දුන්නා. ZTE Open හා alcatel Touch Fire නම් දුරකතන යුගලක් හඳුන්වා දුන්නත් තවම තියෙන්නෙ නිෂ්පාදන අවධියේ.

 ඔබටත් ෆයර්ෆොක්ස් ඕඑස් හි ගුණදොස් සොයා බැලීමට නම් නොමිලේම එය බාගත කරගන්න අවස්ථාව ලබාදීල තියෙනවා. තවමත් එය ඔබේ ජංගම දුරකථනයට ස්ඨාපනය කරන්නට බැරි වුණත්, ඔබට එය නියම ආකාරයෙන් පරිගණකය තුළදීම අත්හදා බලන්න පුලුවන්. මෙයට ඔබට ඕන කරන්නේ පරිගණකයට ෆයර්ෆොක්ස් බ්‍රව්සරය හා අන්තර්ජාල සබඳතාවක් පමණයි.

පහසුවෙන් mediafire හි ගොනු සොයමු..

File Sharing, එහෙමත් නැත්තං අපේ ගොනු සුරක්ෂිත කරලා තියාගන්න අන්තර්ජාලයේ ඉඩ කඩ ලබාදෙන අඩවි බොහොමයක් තියෙනවා. මින් Rapidshare, Hotfile, Megaupload, 4shared වැනි අඩවි බොහොමයක් ජනප්‍රිය වෙලා තියෙන්නේ ඒවාට වෙනත් අය අප්ලෝඩ් කරන චිත්‍රපට, ගේම්ස්, මෘදුකාංග, ගීත එහෙම බාගන්න පුලුවන් නිසා තමයි.

මේ අතරින් මම නම් කැමතිම File sharing සයිට් එක තමයි mediafire. හේතුව තමයි මේකෙන් ඩවුන්ලෝඩ් කරන අයට දෙන වදය අවම වීම. දැකලා ඇති Rapidshare වගේ අඩවි වල ෆයිල් එකක් බාන්න විනාඩියක් විතර බලාගෙන ඉන්න ඕනේ. එකම IP එකකින් එකවර දෙදෙනෙකුට බාන්න දෙන්නෙත් නැති නිසා mobile broadband පාවිච්චි කරන අයට ඒවා අකැපයි. mediafire වල ඔය කිසි කරදරයක් නෑ. තත්පර දෙකතුනක් ඇතුලත ලින්ක් එක පෙන්නනවා. Download manager එකක් භාවිත කරන්නත් කිසි තහනමක් නෑ.

මොකද්ද මේ IMEI Number කියන්නේ..

ඔබට ජංගම දුරකතනයක් තිබ්බට ඔයාලා දන්නවද එකේ තියෙන IMEI අංකය කොච්චර වැදගත් ද කියලා.. මේ ලිපිය ඒ ගැන දැනුවත් කිරීමට ප්‍රමාණවත් වේවි..

•  IMEI අංකය යනු?

 GSM, WCDMA හා DEN ජංගම දුරකතන වලට නිකුත් කෙරෙන අනන්‍යතා අංකයයි. චන්ද්‍රිකා දුරකතන වලට මෙම අංකය තියෙනවා. ඒ වගේමයි ෆෝන් දෙකකට එකම අංකය තියෙන්නෙත් නැහැ. ඒ වගේමයි එක ෆෝන් එකකට අංක කිහිපයක් ඇත්තෙත් නැහැ. හරියට ෆෝන් එකේ ID Number එක වගේ මේක යොදා ගන්නේ.. මෙම අංකය බොහෝවිට ෆෝන් බැටරියට පි‍ටුපසින් තියෙන කොටසේ සටහන් කරන්නේ.. බලන්න සුදු පැහැති ලේබලයක එය තියෙන්නේ.. නැත්නම් තව ක්‍රමයකින් මෙය සොයා ගන්නට පුලුවන්. ඒ සඳහා *#06# ඔබන්න. එවිට තිරය මත පේන අංකය බලන්න. එය ඉලක්කම් 15 හෝ ඇතැම් විට 17 ක් ද වන්නට පුලුවන. මේ අංකය ඔබට ගොඩක් වැදගත් වෙනවා..